Эпідэміёлаг: Каранавірус можа выклікаць незвычайныя мутацыі грыпу
- 10.07.2020, 9:43
- 16,489
Гэта адбудзецца ўжо ўвосень 2020 года.
Птушыны і свіны грып, якія могуць прыйсці ў рэгіён Усходняй Еўропы ўвосень 2020 года, будуць мець вялікую небяспеку праз мутацыі і прысутнасць каранавіруса.
Пра гэта ў бліц-інтэрв'ю obozrevatel.com распавяла ўкраінская лекарка-імунолаг, рэўматолаг, эпідэміёлаг Людміла Смоліна. "Можа быць і птушыны грып, можа быць і свіны. Для нас гэта ўжо не новае. Але кожны грып можа быць страшным для нас, бо мы не ведаем, як ён мутаваў, як ён будзе паражаць разам з каранавірусам", - сказала яна.
У той жа час, паводле ацэнак медыка, восенню можна чакаць вакцыну ад новых штамаў свінога і птушынага грыпу.
Будуць актуальнымі і захады абароны, якія прымяняюцца ў сітуацыі пандэміі каранавіруса - маскі, дэзінфекцыя рук і дыстанцыя. Як расказала лекарка, спірт і мыла, якімі апрацоўваюцца рукі, разбурае абалонкі вірусаў, а маскі зніжаюць вірусную нагрузку, хоць і не з'яўляюцца паўнавартаснай абаронай ад віруса.
"Груба кажучы, можна ўдыхнуць мільён клетак, а з маскай калонія будзе крыху меншай. Адпаведна, нагрузка меншая і імунітэт можа справіцца", - патлумачыла эпідэміёлаг.