Яшчэ адзін прэзідэнт заразіўся COVID-19
2- 10.07.2020, 10:32
- 18,884
Раней дадатны вынік паказаў тэст на каранавірус у прэзідэнта Бразіліі.
Часовая выканаўца абавязкаў прэзідэнта Балівіі Жанін Аньес паведаміла ў Twitter, што яе тэст на каранавірус паказаў дадатны вынік, піша rbc.ru.
«Я ў парадку, буду працаваць са сваёй ізаляцыі», - напісала Аньес.
Часовай выканаўцы прэзідэнта Балівіі 53 гады. Згодна са звесткамі Сусветнай арганізацыі аховы здароўя, да заражэння каранавірусам схільныя як маладыя, так і сталыя людзі, аднак у асоб старэйшага ўзросту і тых, у каго ёсць хранічныя захворванні, хвароба можа прымаць цяжкую форму.
Прэзідэнт Бразіліі, які адмаўляў небяспеку каранавіруса, заразіўся COVID-19
За некалькі дзён да гэтага дадатны вынік паказаў тэст на каранавірус прэзідэнта Бразіліі Жаіра Балсанару. Да пацверджання дыягназу ён паведамляў, што назірае ў сябе сімптомы COVID-19 - высокую тэмпературу і слабасць. Як адзначала бразільскае выданне Globo, рэнтген паказаў, што лёгкія ў Балсанару не пашкоджаныя.
На пачатковых этапах пандэміі прэзідэнт Бразіліі адмаўляў небяспеку інфекцыі і адмаўляўся ўводзіць звязаныя з ёй абмежаванні. Цяпер краіна займае другое месца ў свеце паводле колькасці заражаных, са звестак Універсітэта Джонса Гопкінса. Там зарэгістраваныя 1,7 мільёна захварэлых, 67,9 тысяч чалавек памерлі.
У Балівіі вірус выявілі ў 42,9 тысяч чалавек, пры гэтым 1,5 тысячы памерлі ад COVID-19. Усяго ў свеце каранавірусам заразіліся больш за 12 млн чалавек.