Кошты нафты зніжаюцца

Ф'ючарсы на нафту маркі Brent у пятніцу знізіліся на 1,18%.

Кошт нафты знізіўся ў пятніцу і могуць скончыць тыдзень у мінусе на фоне асцярог, што ў сувязі з павелічэннем заражэнняў каранавірусам у ЗША і іншых краінах будуць уведзены абмежавальныя захады, якія будуць ціснуць на попыт, паведае Reuters.

Ф'ючарсы на нафту маркі Brent знізіліся на 1,18% да $41,85 за барэль да 09:01 паводле Менску, на WTI - збавілі 1,51% да $39,02 за барэль.

Brent можа зафіксаваць тыднёвае зніжэнне на 2%, а WTI - на больш чым 3%.

У той час як многія аналітыкі чакаюць, што эканоміка і попыт на паліва адновяцца пасля пандэміі, рэкордны штодзённы рост колькасці каранавірусных інфекцый у Злучаных Штатах, якія з'яўляюцца найбуйнейшым у свеце спажыўцом нафты, выклікаў устурбаванасць з нагоды тэмпаў аднаўлення.

"Я не думаю, што нафтавыя трэйдары будуць шукаць магчымасці для размяшчэння значных ставак на рынку сёння, беручы пад увагу тое, што кошты могуць далей падаць і ў выходныя", - сказаў Стывен Інэс, галоўны стратэг AxiCorp.

Злучаныя штаты зрабілі справаздачу аб 60,500 новых выпадках заражэння каранавірусам у чацвер, абнавіўшы аднадзённы рэкорд.