У Менску затрымалі бодыбілдэра Шату Лабжанідзэ
11- 10.07.2020, 14:38
- 43,880
Фітнэс-інструктара проста ў зале забралі шэсць чалавек і павезлі ў невядомым кірунку.
У Менску затрыманы прафесійны культурыст і інструктар у фітнэсе Шата Лабжанідзэ.
Пра гэта паведаміў ягоны сябар Андрэй Ткачоў.
«Прыйшлі шэсць чалавек проста ў залу, дзе ён трэніраваўся, паказалі ксіву, надзелі кайданкі і павезлі на бусе не сказаўшы куды!» – напісаў Андрэй Ткачоў на сваёй старонцы ў Facebook.
Лабжанідзэ быў затрыманы 19 чэрвеня на праспекце Незалежнасці, калі АМАП разагнаў удзельнікаў «ланцугу салідарнасці» і іншых назіральнікаў. Ён правёў трое сутак на Акрэсціне, пасля чаго быў асуджаны да штрафу.
У справаздачы аб затрыманні гаварылася, што этнічны грузін выкрыкваў лозунгі «Адпускай!», «Свабоду палітвязням!» і чыніў супраціў праваахоўным органам.