Ілан Маск абагнаў Уорэна Бафета ў спісе найбагацейшых людзей свету

Заснавальнік SpaceX і гендырэктар Tesla пакінуў за сабою яшчэ чатырох мільярдэраў.

Заснавальнік касмічнай кампаніі SpaceX і генеральны дырэктар Tesla Ілан Маск стаў багацейшым за старшыню рады дырэктараў Berkshire Hathaway Уорэна Бафета. Пра гэта піша Bloomberg (пераклад - РБК).

Паводле звестак рэйтынгу Bloomberg Billionaires Index, багацце Маска ў пятніцу, 10 ліпеня, павялічылася на $6,1 млрд, пасля таго як акцыі Tesla выраслі на 11%. Цяпер багацце Маска ацэньваецца ў $70,5 млрд.

Маск перамясціўся ў рэйтынгу на сёмую пазіцыю, абагнаўшы адразу некалькіх мільярдэраў. Акрамя Бафета, кіраўнік Tesla абышоў аднаго з уладальнікаў L'Oreal Франсуаза Бетанкур-Маерс, аднаго з уладальнікаў Oracle Лары Элісан, уладальніка Reliance Industires і найбагацейшага чалавека Азіі Мукеш Амбані, а таксама сузаснавальніка Google Сяргея Брына.

Як адзначае Bloomberg, 49-гадовы Маск валодае прыкладна пятай часткай акцый Tesla, што складае асноўную частку яго багацця. Акцыі вытворцы электрамабіляў сёлета выраслі на 269%. Таксама ён з'яўляецца мажарытарным акцыянерам SpaceX, кошт каштоўных папер кампаніі, што належаць Маску, ацэньваецца ў $15 млрд.

Багацце Бафета зменшылася на пачатку гэтага тыдня, пасля таго як ён ахвяраваў $2,9 млрд на дабрачыннасць. 89-гадовы Бафета з 2006 года раздаў больш за $37 млрд на дабрачынныя мэты, удакладняе агенцтва.

На мінулым тыдні Ілан Маск наважыў прадаць чатыры дамы ў Лос-Анджэлесе. Раней прадпрымальнік заяўляў, што не будзе мець уласнага дома, бо «маёмасць цягне яго ўніз». «Мне не патрэбныя грошы. Прысвячаю сябе Марсу і Зямлі. Маёмасць проста цягне цябе ўніз», - казаў ён.