Памідорам па Эрдагану
3- 15,148
Дзіўная рэакцыя.
Нягледзячы на тое, што большая частка краін і міжнародных арганізацый асудзіла пастанову Эрдагана пра ператварэнне Ай-Сафіі ў мячэць, пакуль толькі грэкі прапанавалі пакараць Турцыю «рублём», дакладней, лірай. У залежнасці ад радыкальнасці палітыкаў прапановы вар'іруюцца ад нейкіх нявызначаных санкцый да ўвядзення ўсеагульнага эмбарга на турэцкія тавары і паслугі, закрыцця мяжы для іх транзіту з Турцыі, піша тэлеграм-канал «Серпом По».
Дзіўна, што ніхто пакуль не заклікае байкатаваць турэцкія гарады і курорты. Турызм дае 10% турэцкага ВУП, і гэты ўдар быў бы вельмі балючым. Асабліва, калі б байкот абвясцілі краіны, чые грамадзяне часцей за ўсё адпачываюць у Турцыі. Паводле вынікаў мінулага года гэта РФ (7 млн), Нямеччына (больш за 5 млн) і Балгарыя (2,7 млн).
Але сур'ёзна Пуцін сварыцца з Эрдаганам праз мячэць дакладна не будзе. Гэта не збіты туркамі ў 2015 годзе расейскі знішчальнік, які прывёў да адмовы РФ ад турэцкіх памідораў і курортаў.
А пакуль Расея і так адмаўляецца аднаўляць злучэнні з Турцыяй, нягледзячы на яе запрашэнні. Фармальна - праз пандэмію. Рэальна - жадаючы падтрымаць айчынныя курорты, куды ламануліся абывацелі праз недаступнасць турэцкіх.