«Мы разам»: новая акцыя салідарнасці прайшла ў Брусэлі
- 11.07.2020, 16:57
- 17,422
Беларусы Бельгіі запатрабавалі вызвалення палітвязняў.
Па ўсім свеце праходзяць акцыі салідарнасці з Беларуссю. Сёння адбыўся ўжо трэці па ліку мітынг у Брусэлі. Пра гэта паведамляе карэспандэнт Charter97.org у Брусэлі.
Блізу 50 беларусаў Бельгіі патрабавалі вызвалення палітвязняў, правядзення сумленных і празрыстых выбараў. Мітынг прайшоў на плошчы Шумана, насупраць будынка Еўракамісіі. Шмат хто ўдзельнічаў у такой акцыі ўпершыню.
Наступныя акцыі ў Брусэлі запланаваныя на 27 ліпеня і 10 жніўня, паведамілі арганізатары акцыі.
Нагадаем, беларусы выходзілі на пікеты і мітынгі больш чым у 70 гарадах планеты.