Выбары ў Польшчы: у другім туры зафіксавалі большы прыход
1- 12.07.2020, 17:13
- 16,919
Сярод гарадоў лідаруе Варшава, дзе да 12 гадзін прагаласавала блізу 29% выбарнікаў.
Як паведаміла «Польскаму радыё» Дзяржаўная выбарчая камісія (PKW), паводле стану на 12:00 прыход выбарнікаў у другім туры прэзідэнцкіх выбараў у Польшчы склаў амаль 25 адсоткаў. Гэта прыкладна на восем дзясятых адсотка больш, чым у першым туры галасавання 28 чэрвеня.
Самы высокі прыход, які перавышае 26 адсоткаў, зафіксаваны ў Мазавецкім, Малапольскім і Падляшскім ваяводствах. Сярод гарадоў лідаруе Варшава, дзе да 12 гадзін прагаласавала блізу 29 адсоткаў выбарнікаў.
У другім туры цяперашніх прэзідэнцкіх выбараў балатуюцца дзейны прэзідэнт Польшчы, які падтрымліваецца кіроўнай кааліцыяй правых партый на чале з «Правам і справядлівасцю» Анджэй Дуда і намеснік старшыні наймацнейшай апазіцыйнай партыі «Грамадзянская платформа», мэр Варшавы, Рафал Тшаскоўскі.
Праз эпідэмію каранавіруса галасаванне на выбарчых участках праходзіць пры захаванні падвышаных санітарных захадаў, напрыклад, сацыяльнага дыстанцыявання, а таксама праз пошту.
Папярэднія вынікі галасавання аб выбарах прэзідэнта Польшчы паводле звестак экзіт-пулаў будуць абвешчаныя адразу пасля закрыцця выбарчых участкаў а 21 гадзіне.