СААЗ паведаміла пра новы рэкорд па дзённым захворванні COVID-19

Усяго ў свеце каранавірус пацвердзіўся ў 12,5 мільёнаў чалавек.

Сусветная арганізацыя аховы здароўя (СААЗ) за апошнія дні зарэгістравала 230,3 тысячы пацверджаных выпадкаў заражэння каранавіруснай інфекцыяй, вынікае са звестак, апублікаваных на яе сайце, піша tut.by.

Папярэдні рэкорд СААЗ зафіксавала ўсяго толькі 10 ліпеня. Тады, паводле звестак арганізацыі, сутачны прырост склаў 228 тысяч хворых.

Усяго ў свеце, згодна з інфармацыяй СААЗ, каранавірус пацвердзіўся ў 12,5 мільёнаў чалавек. Колькасць смяротных зыходаў павялічылася больш чым на 5,2 тысячы і склала больш за 561 тысячу. Паводле актуальных звестках універсітэта Джонса Хопкінса, вірус выявілі ў 12,7 млн чалавек, а памерлі ад COVID-19 звыш 566 тысяч чалавек.

Статыстыка СААЗ улічвае толькі афіцыйна пацверджаныя звесткi пра выпадкі заражэння і смерці, якія прадстаўляюцца дзяржавамі.

Рэгіён Паўночнай і Паўднёвай Амерыкі займае першае месца па колькасці інфіцыраваных - 6 540 222. За дзень гэты паказчык вырас на 142 992. Колькасць памерлых там павялічылася на 3500 і дасягнула 283 357. У Еўропе налічваюцца 2 907 654 тых, хто заразіўся і 203 285 памерлых. За 24 гадзіны колькасць інфіцыраваных узрасла на 18 804, колькасць памерлых павялічылася на 448.

Трэцюю пазіцыю па ліку тых, хто заразіўся ў свеце займае Усходне-Міжземнаморскі рэгіён. Там колькасць інфіцыраваных дасягнула 1 271 338 зафіксавана 30 652 смяротныя выпадкі. За дзень колькасць тых, хто заразіўся павялічылася на 15 361 памерлі 510 чалавек.

Больш за ўсё інфікаваных зарэгістравана ў ЗША - 3 163 581. Далей ідуць Бразілія (1 800 827), Індыя (849 553), Расея (727 162), Перу (319 646), Чылі (312 029), Мексіка (289 174), Вялікабрытанія (288 957), Паўднёвая Афрыка (264 184), Іран (255 117).