26 студзеня 2021, aўторак, 8:27
Сім сім, Хартыя 97!
Рубрыкі

У Аўстраліі пачнуць плаціць за выкарыстанне электрамабіляў

32
У Аўстраліі пачнуць плаціць за выкарыстанне электрамабіляў

Палова новых транспартных сродкаў, якія купляюць у гэтай краіне - гэта электрамабілі.

Урад Аўстраліі ўхваліў новы праект - ён абавязвае выплачваць грошы уладальнікам электрамабіляў, якія падсілкоўваюцца ад нацыянальнай электрасеткі. Узамен транспартныя сродкі дазволяць аператару ажыццяўляць працу на поўную магутнасць, што знізіць рызыку здабычы «лішняй» электраэнэргіі. Акрамя таго, праект дазволіць выкарыстоўваць электрамабілі ў якасці акумулятара для гарадоў у выпадку пазаштатнай сітуацыі. Чыноўнікі адзначаюць, што такія перабоі ліквідуюць цягам 15 хвілін і яны не будуць забіраць энэргію ў машын з зарадам менш за 5%, піша «Хайтэк».

Праект пачнуць тэставаць на транспартных сродках, якія выкарыстоўваюцца дзяржаўнымі службоўцамі. Аднак у будучыні льготы пашыраць для ўсіх аўстралійцаў, бо амаль палова новых транспартных сродкаў, якія купляюць у гэтай краіне - гэта электрамабілі.

Чыноўнікі адзначаюць, што да канца 2023 года яны будуць плаціць льготы ўсім 19 млн уладальнікаў электрамабіляў. З іх падлікаў, калі кожны з іх будзе карыстацца сілкаваннем з нацыянальнай электрасеткі, то яны будуць спажываць дадаткова блізу 60 тэрават-гадзін энэргіі за год. Гэта каля 35% гадавога спажывання электрычнасці ў Аўстраліі.

Даследнікі таксама падлічылі, якую колькасць энэргіі электрамабілі будуць спажываць, калі іх падсілкоўваць адначасова. Згодна з іх звестак, нават такі ажыятаж не здольны перакрыць прапанову нацыянальнай электрасеткі. Яны дададуць толькі 25% да іх нагрузкі. З'яўленне хуткіх і звышхуткіх прылад сілкавання ўздоўж шашы і на паркоўках павялічаць гэты паказчык.

Урад чакае, што актыўнае выкарыстанне электрамабіляў можа прынесці блізу тысячы даляраў на год. Гэта амаль у тры разы больш, чым кошт электрычнасці для Nissan LEAF на ўвесь год.