10 жнiўня 2020, панядзелак, 23:52
Сім сім, Хартыя 97!
Рубрыкі

Паліцыя Нямеччыны суткі шукае «ляснога Рэмба», які раззброіў чатырох паліцыянтаў

2
Паліцыя Нямеччыны суткі шукае «ляснога Рэмба», які раззброіў чатырох паліцыянтаў

Сотні праваахоўнікаў удзельнічаюць у спецаперацыі затрымання 31-гадовага мужчыны.

У Нямеччыне сотні праваахоўнікаў удзельнічаюць у спецаперацыі затрымання 31-гадовага мужчыны, які абяззброіў чатырох афіцэраў паліцыі і схаваўся ў лесе.

Пра гэта паведамляе "Еўрапейская праўда" са спасылкай на Bild.

Іў Рауш, якога выданне называе "лясным Рэмба", хаваецца ад праваахоўнікаў ужо больш за суткі. Паліцыя заяўляе, што ён добра ўзброены, непрадказальны і добра ведае лясную мясцовасць.

Калаж: BILD

У нядзелю раніцай паліцыя атрымала паведамленне пра ўзброенага мужчыну ў камуфляжы, які знаходзіўся ў доме непадалёк ад горада Опенау, Бадэн-Вюртэмберг, каля французскай мяжы.

Дзве паліцэйскія машыны з чатырма афіцэрамі паліцыі прыбылі туды для праверкі ў 9:30 раніцы і выявілі, што мужчына ўзброены лукам, стрэламі, нажом і пісталетам.

Паводле словаў паліцыі, ён спачатку нібыта супрацоўнічаў з паліцыянтамі, а потым накіраваў на іх пісталет і запатрабаваў, каб яны аддалі зброю.

"Каб прадухіліць горшае, паліцыя адказала на ягоныя патрабаванне", – расказалі ў паліцыі.

Потым зламыснік уцёк у лес з чатырма паўаўтаматычных пісталетамі тыпу P2000. Ніхто не пацярпеў.

Афіцэры заблакавалі федэральныя аўтамагістралі, запрасілі спецназаўцаў, шрубалёты і службовых сабак.

31-гадовы Рауш колісь фігураваў у злачынстве, звязаным са зброяй. Ён параніў дзвюх сябровак з дапамогай арбалета і нажа, за што знаходзіўся ў турме.