Мянчук: Мы ўбачылі, у чым нашая моц

Усё атрымаецца, галоўнае - дзейнічаць разумна і смела.

«Яшчэ раз убачыў, што ніхто не збіраецца мірыцца з гэтым рэжымам, - піша чытач тэлеграм-канала «Баста!» з Менску. - Учорашняя акцыя - найлепшае сведчанне гэтаму.

Мы ўбачылі новыя слабыя месцы рэжыму. Мы ўбачылі, у чым наша моц.

Акцыю пратэсту можна арганізаваць за пару гадзін пры мінімальных выдатках намаганняў і рэсурсаў. Тэлеграм - вялікая сіла.

Нават даволі невялікая колькасць людзей здольная ўвесці сістэму ў ступар, перагрузіць ДАІ, спаралізаваць рух у горадзе.

Пры найменшай спробе абараніць адзін аднаго, амапаўцы выпадаюць у асадак і перастаюць затрымліваць, а счэпленага чалавека не выдраць.

Тактыка хуткай змены месцазнаходжання працуе. Людзі пакідалі адну мясціну пры набліжэнні аўтазакаў і імгненна збіраліся на іншай.

Мы сталі больш разумнымі і больш мабільнымі за 10 гадоў, з'явіліся новыя тэхналогіі, а ўлады яшчэ больш страцілі свой аўтарытэт.

Працуем над памылкамі і рухаемся далей. Усё ў нас выгарыць, галоўнае не адступаць і дзейнічаць разумна і смела».

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..