Сталі вядомыя вынікі выпрабаванняў расейскай вакцыны ад COVID-19
11- 15.07.2020, 15:31
- 35,152
У людзей пасля прыёму прэпарата падвышалася тэмпература.
Добраахвотнікі, якія бралі ўдзел у клінічных выпрабаваннях вакцыны ад каранавіруса, якія праводзяцца ў Сечанаўскім універсітэце ў Маскве, у першыя дні пасля ін'екцыі адчувалі падвышэнне тэмпературы. Пра гэта яны расказалі на прэс-канферэнцыі, паведамляе РБК.
Са слоў Ганны Гуткінай, якая брала ўдзел у выпрабаваннях, яна наважыла ўзяць удзел у даследаванні праз раз'язны характар працы. У першыя два дні ў яе была тэмпература 38 і дрыжыкі. Гэтыя сімптомы ўдалося зняць парацэтамолам. Жанчына адзначыла, што страты нюху ў яе не было.
Гуткіна таксама распавяла, што за выпрабаванні добраахвотнікам заплацяць прыблізна 100 тысяч рублёў (амаль 1 400 даляраў), але пакуль яны гэтых грошай не атрымалі.
Георгій Смірноў пайшоў добраахвотнікам праз працу ў грамадскім харчаванні. Ён паведаміў, што ўвечары ў першы дзень пасля ўвядзення вакцыны ў яго забалела галава, а раніцай паднялася тэмпература да 37,5 градусаў. Пабочныя з'явы таксама збіліся парацэтамолам.
Расейская вакцына ад каранавіруснай інфекцыі была распрацаваная Нацыянальным цэнтрам эпідэміялогіі і мікрабіялогіі (НІЦЭМ) імя Гамалеі. Яе выпрабаванні пачаліся ў чэрвені адначасова ў Сечанаўскім універсітэце і Галоўным вайсковым клінічным шпіталі імя Бурдэнкі.
Раней у Сечанаўскім універсітэце паведамілі, што прэпарат давёў сваю бяспеку. Са слоў дырэктара НІЦЭМ імя Гамалеі Аляксандра Гінцбурга, першыя партыі вакцыны паступяць у медустановы ўжо ў сярэдзіне жніўня, а масавая вытворчасць пачнецца ў верасні.
15 ліпеня добраахвотнікаў, якія выпрабоўвалі прэпарат у Сечанаўскім універсітэце, выпісалі. Доктар медыцынскіх навук Сяргей Сямітка распавёў, што ўсе яны адчуваюць сябе добра.