Беларусы выйшлі да Галоўпаштамту і цэнтральнага вакзала ў Менску
- 15.07.2020, 19:36
- 46,898
Аўтамабілісты актыўна сігналяць.
Беларусы другі дзень запар выходзяць на вуліцы і плошчы гарадоў на падтрымку незарэгістраваных кандыдатаў у прэзідэнты.
Сёння дамагацца справядлівасці і выходзіць на пратэсты людзей заклікаў кандыдат у прэзідэнты Валерый Цапкала. У інтэрнэце і сацыяльных сетках многія ўдзельнікі учорашніх акцый таксама заклікалі беларусаў выйсці на цэнтральныя вуліцы і плошчы сваіх гарадоў сёння а 19.00.
Частка людзей сабралася сёння ў раёне Галоўпаштамта, частка - каля цэнтральнага чыгуначнага вакзала ў Менску, паведамляе тэлеграм-канал «Баста!».
Сёння - першы дзень дазволенага этапу агітацыі за кандыдатаў у прэзідэнты. Людзі вырашылі скарыстацца сваім законным правам на легальныя пікеты.