У Санкт-Пецярбургу і Маскве пачаліся пратэсты

Людзі пратэстуюць супраць абнулення Пуціна.

У Санкт-Пецярбургу і Маскве ў сераду, 15 ліпеня, прайшлі масавыя акцыі пратэсту супраць паправак да Канстытуцыі Расеі, якія дазваляюць дзейнаму прэзідэнту Уладзіміру Пуціну заставацца на пасадзе кіраўніка дзяржавы яшчэ два тэрміны. Удзельнікі акцый, арганізаваных рухам «Не», сабраліся ў цэнтры абодвух гарадоў, каб выказаць незадаволенасць сфабрыкаванымі, на іх думку, вынікамі нядаўняга галасавання па ўнясенню паправак да Канстытуцыі і сабраць подпісы ў падтрымку кампаніі па аспрэчвані вынікаў плебісцыту.

Акцыя ў Санкт-Пецярбургу

Як перадае карэспандэнт DW, у Пецярбургу чарга да зборшчыкаў подпісаў расцягнулася ўздоўж Неўскага праспекта на сотні метраў. Арганізатары заявілі пра намер збіраць подпісы да «апошняга кліента». Паліцыя назірала за тым, што адбываецца, але не ўмешвалася. Наш карэспандэнт паведаміў пра затрыманне грамадзянскай актывісткі Вольгі Смірновай, але ёй ставіцца ў віну ўдзел у адной з папярэдніх няўзгодненых акцый.

Акцыя ў Маскве

У Маскве некалькі соцень чалавек сабраліся каля помніка Пушкіну. Паводле звестак карэспандэнта DW, людзі скандавалі «Расея без Пуціна», «Пуцін - злодзей», «Масква - выходзь» і «Хабараўск - мы з табой». Удзельнікі акцыі таксама патрабавалі вызвалення палітвязняў. Паліцыя не ўмешвалася ў тое, што адбываецца.