На Палессі - бум пратэстных графіці

Улады ў паніцы.

Раніцай 13 ліпеня мінакі на вуліцы Дэпутацкай ў Івацэвічах звярнулі ўвагу на размаляваны прадуктовы кіёск на міні-рынку.

На кіёску вялікім шрыфтам надпіс пра 97%, якія сталі сімвалам-лозунгам пратэстоўцаў супраць Лукашэнкі, піша 1reg.by.

Увечары надпіс пакуль не прыбралі.

Яшчэ адзін надпіс, толькі з адваротным сэнсам - пра 3% - з'явіўся недалёка на рыбалоўным кіёску на прыпынку грамадскага транспарту на гэтай жа вуліцы Дэпутацкай.

Яшчэ адзін надпіс з палітычным кантэкстам з'явілася побач са «смешарыкамі» - намаляванымі на будынку ля дзіцячай пляцоўкі героямі мультфільма.

Малюнкі ёсць на сценах і ў іншых месцах гэтага раёна Івацэвічаў. Вось, напрыклад, на прыпынку на вуліцы Дэпутацкай.

А вось насупраць крамы «Эдэльвейс» на вуліцы 70 год Кастрычніка.