«Уключыце калонку - яна ўсё зробіць за вас!»
4- 2.07.2020, 10:31
- 12,306
Беларус расказаў, як пачаў удзельнічаць у флэшмобах салідарнасці.
Учора ў Беларусі прайшоў дзявяты дзень Флэшмобу салідарнасці. Беларусы з розных гарадоў адчынялі вокны кватэр, выходзілі на балконы, пляскалі ў ладкі, бразгалі рондалямі, уключалі музыку.
«Усе гэтыя дні не ўдзельнічаў. Але, даведаўшыся ўчора аб тым што Цапкалу хочуць не дапусціць праз подпісы, паставіў калонку на балкон і ўключыў «Перемен!» на максімум», - піша новы ўдзельнікі Флэшмобу ў сацсетках
«Пішу сюды каб натхніць такіх жа асцярожных і нерашучых, як я сам. Баіцеся пачаць? Уключыце калонку, яна ўсё зробіць за вас, гэтага дастаткова каб паказаць сваю неабыякавасць, думаю цяпер важна і гэта!»
Беларускія блогеры і актывісты прапанавалі праводзіць Флэшмоб салідарнасці. Мэта акцыі - падтрымаць медыкаў, якія змагаюцца за нашае жыццё і герояў, якія цяпер знаходзяцца за кратамі.
Штодзень а 19:00 на знак салідарнасці адчыняем вокны кватэр, выходзім на балконы, пляскаем у ладкі, бразгаем рондалямі або ўключаем музыку. Толькі 2 хвіліны - але штодзень і да перамогі!