8 жнiўня 2020, Субота, 8:57
Сім сім, Хартыя 97!
Рубрыкі

Схіігумен Сергій заявіў аб устанаўленні «ўлады антыхрыста» ў Расеі

21
Схіігумен Сергій заявіў аб устанаўленні «ўлады антыхрыста» ў Расеі
СХІІГУМЕН СЕРГІЙ

Мяцежны святар заклікаў байкатаваць папраўкі ў Канстытуцыю.

Генеральная пракуратура Расеі запатрабавала выдаліць з YouTube праз недакладнасці пропаведзь ультракансерватыўнага екацярынбуржскага святара РПЦ схіігумена Сергія (Раманава), у якой ён заклікаў байкатаваць галасаванне пра папраўкі ў Канстытуцыю. Пра гэта паведамляе «МБХ медыя» са спасылкай на апавяшчэнне Раскамнагляду, якое ёсць у распараджэнні рэдакцыі.

Генпракуратура прызнала недакладнай інфармацыяй словы схіігумена пра тое, што праз папраўкі ў Канстытуцыю будзе «ўзаконеная рабаўладальніцкая ўлада». Недакладнымі прызнаныя гэтак жа словы пра тое, што расейцы добраахвотна ўзаконяць ўладу будучага антыхрыста і ягоных служак і страцяць ласку Святой Тройцы і ахову Божай Маці.

Да каго звернутае патрабаванне Раскамнагляду, - да YouTube або схіігуменна, - выданне не ўдакладніла.

Схіігумен Сергій Раманаў - забаронены ў служэнні манах са святарскім санам, адзін з заснавальнікаў Сярэднеўральскага жаночага манастыра. Ён адзін з лідэраў так званых царабожнікаў-ультракансерватыўных праваслаўных хрысціян з РПЦ, якія асабліва шануюць апошняга каранаванага расейскага імператара - Мікалая II Раманава. Яны амаль не кантралююцца епіскапатам і часта знаходзяцца ў апазіцыі да РПЦ.

У траўні схіігумен быў забаронены ў служэнні пасля пропаведзі, у якой ён пракляў чыноўнікаў. 16 чэрвеня ён, пры сілавой падтрымцы вернікаў, захапіў Сярэднеўральскі жаночы манастыр і цяпер ўтрымлівае яго. Паводле ягоных сцвярджэнняў, з ім знаходзіцца больш за 500 чалавек. Яго чакае царкоўны суд, дзе будзе стаяць пытанне аб пазбаўленні яго сану.