Хакеры ўзламалі Twitter МЗС Расеі
4- 2.07.2020, 17:27
- 17,090
Яны размясцілі аб'яву аб продажы базы звестак расейскіх турыстаў, якія знаходзяцца за мяжой.
2 ліпеня невядомыя ўзламалі Twitter сітуацыйна-крызіснага цэнтра Міністэрства замежных спраў Расеі і апублікавалі твіт аб продажы актуальнай базы звестак расейскіх турыстаў, якія знаходзяцца за мяжой і якія атрымліваюць матэрыяльную дапамогу ад урада, піша gordonua.com.
Аб'ява вісела больш за 14 гадзін, пакуль, нарэшце, яе не выдалілі.
За базу звестак зламыснікі прасілі 66 біткойнаў (блізу $600 тысяч). Яны запэўнівалі, што база сапраўдная.