Шаснаццаць еўрапейскіх банкаў створаць новую аплатную сістэму

Сістэма стане «новым стандартам плацяжоў для спажыўцоў і камерсантаў ва ўсіх тыпах трансакцый».

Новая сістэма імгненнага пералічэння плацяжоў будзе створаная ў Еўропе пад эгідай 16 фінансавых устаноў з пяці краін ЕЗ. Пра гэта паведамляецца ў іх сумесным камюніке, апублікаваным у чацвер, паведамляе tass.ru.

«Сёння група з 16 буйных еўрапейскіх банкаў з Нямеччыны, Бэльгіі, Гішпаніі, Францыі і Нідэрландаў прыступілі да працы над запускам будучай Еўрапейскай аплатнай ініцыятывы (EPI)», - абвяшчае агульную заяву. Паводле яе, у першую чаргу гэта рашэнне будзе «засяроджанае на правядзенні імгненных плацяжоў», між іншым, наўпрост з карты на карту (P2P). Аўтары заявы абяцаюць, што гэтая сістэма стане «новым стандартам плацяжоў для еўрапейскіх спажыўцоў і камерсантаў ва ўсіх тыпах трансакцый», уключаючы плацяжы ў крамах і зняцце гатоўкі, а таксама міжнародныя пералічэнні.

Адзначаецца, што «рашэнні ў галіне лічбавых плацяжоў, якія існуюць цяпер у Еўропе, фрагментаваныя», таму грамадзяне еўрапейскіх дзяржаў усё яшчэ не могуць здзяйсняць іх паўсюль». Прадстаўнікі фінансавых устаноў паказваюць на абвастрэнне неабходнасці такога рашэння ў святле карантыннага крызісу. Сістэма ж, якая ствараецца ў рамках EPI, з іх слоў, не толькі дазволіць зняць шэраг абмежаванняў, але і «зрабіць унёсак ва ўмацаванне адзінага рынку і еўрапейскай лічбавай стратэгіі».

«Пачатак фазы ўвасаблення праекта будзе адзначаная адкрыццём у найбліжэйшыя тыдні ў Брусэлі часовай арганізацыі, якая будзе вызначаць задачы да выканання, між іншым, завяршэнне тэхнічнай і аперацыйнай дарожнай мапы і пачатак работ па ўкараненні сістэмы для дасягнення найлепшага карыстальніцкага досведу, - гаворыцца ў заяве. - EPI павінна пачаць працу ў 2022 годзе».

Спіс з 16 банкаў уключае гішпанскія банкі BBVA і Santander, французскія BNP Paribas, Credit Agricole, Credit Mutuel, Societe Generale, La Banque Postale і BPCE, нямецкія Commerzbank, Deutsche Bank, DZ Bank і Sparkasse, бельгійскі KBC, італьянскі Unicredit і нідэрландскі ING. Аўтары камюніке заклікаюць іншыя фінансавыя ўстановы і арганізацыі, якія прадстаўляюць паслугі ажыццяўлення плацяжоў, далучыцца да іхняй ініцыятывы да канца 2020 года.