Галоўным трэнерам кіеўскага «Дынама» стаў самы тытулаваны трэнер данецкага «Шахцёра»
2- 23.07.2020, 16:48
- 29,392
Сенсацыйнае прызначэнне ва ўкраінскім футболе.
Кіеўскае «Дынама» на сваім афіцыйным сайце абвясціла аб прызначэнні галоўным трэнерам каманды экс-настаўніка данецкага «Шахцёра» Мірчы Лучэску, тым самым пацвердзіўшы чуткі, піша «Новое время».
Дэталі кантракта з румынскім спецыялістам «бела-сінія» не распавядалі.
У каментары аб прызначэнні Лучэску прэзідэнт «Дынама» Ігар Суркіс сказаў: «Хачу прадставіць Мірчы Лучэску, аднаго з найлепшых трэнераў у свеце.
Спадзяюся, што з прыходам ягонай трэнерскай каманды адродзяцца пераможныя традыцыі кіеўскага «Дынама», ён здабудзе шмат тытулаў, і заўзятары будуць ацэньваць Мірчы па яго выніках. Поспехаў яму, удачы. А ўсім, чым магу, я яму дапамагу».
Чытайце таксама:
Лучэску быў галоўным трэнерам «Шахцёра» цягам 2004-2016 гадоў, пасля чаго ўзначаліў расейскі «Зеніт».
Апошнім месцам працы румынскага спецыяліста была нацыянальная каманда Турцыі, якую ён пакінуў у 2019 годзе.