Масавы мітынг у Гомелі ў падтрымку Святланы Ціханоўскай (Відэа, онлайн)

У родным горадзе Сяргея Ціханоўскага на вуліцу выйшлі больш за 10 тысяч чалавек.

У Гомелі ўвечары 26 ліпеня прайшоў агітацыйны мітынг кандыдаткі ў прэзідэнты Святланы Ціханоўскай. Гэта адзінаццаты горад у перадвыбарчай паездцы кандыдаткі ў прэзідэнты і прадстаўніц аб'яднанага штаба Марыі Калеснікавай і Веранікі Цапкалы ў Беларусі: ужо былі Койданаве, Глыбокім, Наваполацку, Віцебску, Воршы, Магілёве, Бабруйску. Сёння яны таксама наведалі Жлобін і Рэчыцу.

22:06 Онлайн-рэпартаж закончаны. Дзякуй, што былі з намі!

22:05 Гамяльчук Віталь Кулеш расказаў, што быў затрыманы на адной з нядаўніх акцый пратэсту. Паводле ягоных слоў, арышт быў незаконным, суд беспадстаўна прысудзіў яго да 10 дзён арышту. Мужчына падзякаваў людзям за падтрымку і салідарнасць і сказаў, што "добра запомніў" тых, хто яго арыштоўваў і судзіў.

22:00 "Няхай Лукашэнка сыходзіць. 26 гадоў - колькі можна? Ёсць годныя людзі, якія могуць кіраваць краінай. Прэзідэнт не павінен знаходзіцца ля ўлады больш за два тэрміны, каб не было застою і разрухі", - кажа маладзён.

21:59 "Рыба гніе з галавы. Калі адбудзецца змена структуры і на ўсіх узроўнях будуць каласальныя змены", - кажа гамяльчук. "Я не быў палітызаваным чалавекам, па дурасці верыў Лукашэнку. Але цяпер разумею, што ён не эфектыўны, пры ім усё жудасна не арганізавана".

21:56 "Мы хочам сумленных выбараў", - кажа гамяльчанка. "Мы вельмі спадзяемся, што ўсё ўдасца гэтым разам. Прыйшоў час".

21:50 Радыё "Свабода" пачало апытанне ўдзельнікаў мітынгу. "З шулерам гуляць у выбары нельга. Толькі на вуліцу!", - кажа адзін гамельчукоў.

21:48 Грае песня "Муры", людзі падпяваюць. Гараць агні, лунаюць сцягі. Атмасфера ўзрушальная.

21:35 Вераніка Цапкала распавядае аб ініцыятыве "Голас".

21:35 "Белы бранзалет азначае, што вы не падтрымліваеце рэжым і хочаце перамен", - сказала жонка Валерыя Цапкалы. Людзі скандуюць "Перамен!".

21:34 Цапкала заклікае людзей рэгістравацца ў якасці назіральнікаў і прыходзіць на ўчасткі з белымі стужкамі на руках.

21:33 Таксама яна сказала, што неабходна вызваліць палітвязняў і амніставаць эканамічных вязняў.

21:32 "Мы хочам новую Беларусь – шчаслівую багатую краіну", - сказала Вераніка Цапкала і заклікала галасаваць за Святлану Ціханоўскую 9 жніўня, "ні днём раней".

21:30 Вераніка Цэкала распавядае, што ўлада бездапаможная і нават не ў стане дапамагчы людзям падчас эпідэміі каранавіруса.

21:28 Выступае Вераніка Цапкала. Яна распавядае пра Віктара Бабарыку, Сяргея Ціханоўскага і свайго мужа Валерыя Цапкалу, а таксама пра тое, што ёй давялося вывезці дзяцей за мяжу, «каб не здарылася тое ж самае, што з Андрэем Саннікавым і Ірынай Халіп у 2010 годзе".

21:23 Удзельнікі мітынгу ўключылі ліхтарыкі на мабільных тэлефонах - гараць тысячы агнёў.

21:18 Людзі скандуюць "Жыве Беларусь!"

21:17 "Сапраўдная сіла ў руках народа. Нам не патрэбныя лідары і новыя правадыры. Нам патрэбныя мы самі", - сказала кіраўніца штаба Віктара Бабарыкі і зноў заклікала "дзяўбці, дзяўбці, дзяўбці" гэтую ўладу.

21:15 Аднаму з удзельнікаў мітынгу стала дрэнна. Яму на дапамогу прыйшоў лекар.

21:14 Марыя Калеснікава заклікае чальцоў выбаркамаў не фальсіфікаваць выбары. Яна кажа, што ўсе спробы фальсіфікацыі будуць зафіксаваныя і даведзены.

21:11 Людзі скандуюць "Я магу ўсё змяніць!"

21:09 Калеснікава нагадала, што Гомель вельмі пацярпеў ад Чарнобыльскай катастрофы, але ўлада хавае наступствы. Тое самае робіцца з каранавірусам: лекараў запалохалі, ніхто не ведае рэальнай статыстыкі захворвання, а людзі паміраюць. "Гэта катастрофа", - сказала яна.

21:07 Кіраўніца штаба Віктара Бабарыкі сказала, што "ў новай Беларусі будуць паважаць працоўнага чалавека, заробак у яго будзе годны, ён не будзе хлопчыкам для біцця".

21:05 Марыя Калеснікава кажа, што ўлада карумпаваная і неабходна вярнуць выбары мэраў у гарадах.

21:01 Выступае кіраўніца штаба кандыдата ў прэзідэнты Віктара Бабарыкі Марыя Калеснікава. Яна вітае жыхароў горада на беларускай мове. Людзі скандуюць "Перамен!".

20:59 Святлана Ціханоўская заклікала прагаласаваць за яе 9 жніўня і "абараніць свой голас".

20:54 Народ скандуе "Перамен!"

20:53 "Мне не патрэбна ўлада, я хачу дзяцей, мужа і далей смажыць свае катлеты", - сказала Святлана Ціханоўская.

20:52 Кандыдатка ў прэзідэнты распавядае пра сваю праграму, галоўныя пункты якой - вызваленне палітвязняў і правядзенне новых крыштальна сумленных і справядлівых выбараў.

20:49 Святлана Ціханоўская кажа, што яна будзе заўсёды "змагацца" за свайго мужа Сяргея Ціханоўскі. "Мой муж - мой кандыдат. Але я павінна сказаць аб двух кандыдатах, за якіх таксама стаялі вялікія чэргі - Віктар Бабарыка і Валерый Цэкала", - сказала яна і распавяла пра лёс гэтых кандыдатаў - Бабарыка ў турме, Цапкала вымушаны быў выехаць з Беларусі.

20:46 Святлана Ціханоўская распавядае, што дзеці доўга думалі, што іх бацька ў службовай выправе. Учора яна атрымала ліст ад сына, які знаходзіцца за межамі Беларусі: "Мама, мне страшна за цябе". "Мы павінны стаць краінай, у якой не страшна жыць і гаварыць", - сказала Святлана Ціханоўская. Людзі скандуюць "Малайчына!".

20:43 Святлана расказвае пра шматгадзінны вобшуку ў доме ў паджылай маці Сяргея Ціханоўскага. Людзі скандуюць "Ганьба!"

20:41 Святлана Ціханоўская называе імёны валанцёраў з Гомеля, якія збіралі подпісы за яе вылучэнне і былі арыштаваныя: Юрый Уласаў, Таццяна Ванеўская, Аляксандр Шагалін, Дзмітрый Рудзенаў, Дзмітры Івашка ды іншыя.

20:39 Над удзельнікамі мітынгу на балоніках у неба быў узняты плакат "Я/Мы 97%".

20:35 Святлана распавядае аб канале "Краіна для жыцця", які стварыў Сяргей Ціханоўскі. Удзельнікі мітынгу скандуюць "Малайчына!"

20:34 Святлана Ціханоўскі распавядае пра свайго мужа, які цяпер знаходзіцца ў турме праз сваю палітычную дзейнасць. Людзі скандуюць "Свабоду!".

20:33 Людзі скандуюць "Сяргей!"

20:31 "Вітаю, родны горад Сяргея Ціханоўскага. Менавіта ў гэтым горадзе пачалася гісторыя "Краіны для жыцця" і гісторыя Святланы Ціханоўскай", - так пачала свой выступу кандыдатка ў прэзідэнты.

20:28 Кандыдатка ў прэзідэнты Святлана Ціханоўская прыбыла на мітынг і ідзе на сцэну. Людзі скандуюць "Света!".

20:27 Са звестак назіральнікаў, у акцыі бяруць удзел ужо больш за 10 тысяч чалавек.

20:22 Людзей становіцца ўсё больш. Можна казаць мінімум як 5 тысячах. Вельмі шмат нацыянальных бел-чырвона-белых сцягоў.

20:17 На мітынг прыехалі людзі з іншых гарадоў Гомельскай вобласці. Удзельнікі разгарнулі вялікую расцяжку "Светлагорск - за свабоду".

20:10 Лунаюць бел-чырвона-белыя сцягі, сцягі з гербам "Пагоня" і грамадзянскай кампаніі "Еўрапейская Беларусь".

20:09 На мітынгу выступае вядомы магілёўскі гурт AKUTE.

20:08 Людзі скандуюць "Верым! Можам! Пераможам!"

20:07 У мітынгу бяруць удзел ужо некалькі тысяч чалавек.