Навукоўцы знайшлі спосаб імгненна абясшкодзіць каранавірус
11- 29.07.2020, 19:18
- 50,978
Даследаванні праводзілі супрацоўнікі Нацыянальнай лабараторыі інфекцыйных захворванняў Бостанскага ўніверсітэта.
Амерыканскія навукоўцы выявілі разбуральнае дзеянне ультрафіялету на каранавірус. Адпаведныя даследаванні праводзілі супрацоўнікі Нацыянальнай лабараторыі інфекцыйных захворванняў (NIEDL) Бостанскага ўніверсітэта і кампаніі Signify, паведамляюць у сераду, 29 ліпеня, РІА Новости.
Адзначаецца, што ў рамках даследавання навукоўцы правялі экспэрымент: яны апрацоўвалі забруджаны вірусам матэрыял рознымі дозамі ультрафіялетавага выпраменьвання. Затым яны ацанілі хуткасць інактывацыі віруса.
Высветлілася, што пры дазаванні лямпаў на пяць міліджоўляў на квадратны сантыметр распаўсюджванне SARS-CoV-2 знізілася на 99% за шэсць секунд, а пры ўздзеянні лямпаў 22 МДж/см² каранавірус амаль цалкам знішчаецца за 25 секунд.
Да гэтага навукоўцы высветлілі, што каранавірус перадаецца ў радыусе васьмі метраў.