Відэаблогерка Паліна Зыль: Рухаемся наперад, да нашай агульнай перамогі
2- 3.07.2020, 18:20
- 17,515
Нас на самай справе больш за 97%.
Адна з ініцыятараў флэшмобу салідарнасці відэаблогерка з Мазыра Паліна Зыль запісала новы відэазварот. Пра гэта паведамляе тэлеграм-канал "Баста".
"Мяне парадаваў ваш дружны водгук на флэшмоб, – кажа яна. – Дзясяткі тысячаў беларусаў ужо больш за тыдзень штовечар а 19-й адчыняюць вокны, грукочуць каструлямі, уключаюць музыку, пляскаюць. У Менску, Гомелі, многіх райцэнтрах удзельнічаюць цэлымі дамамі і кварталамі. Штодня, калі я адчыняю вакно, я чую, як шумяць ў Мазыры. Пра нашу падтрымку і салідарнасць ведаюць і тыя, хто цяпер знаходзіцца за кратамі.
Давайце прадаўжаць!
Гэта простая і бяспечная форма салідарнасці. Мала таго, Саша 3% нічога не можа ёй супрацьпаставіць.
"Грукочам каструлямі, брынькаем на гітарах, спяваем, уключаем музыку. Праганяем прусаковае паскуддзе разам. Гэта яго раз'юшвае, а зрабіць ён нічога не можа", – пішуць у сацсетках.
Але трэба, каб было гучней і мацней. Патэлефануйце знаёмым, сябрам, сваякам, напішыце пра флэшмоб у сваіх акаўнтах і сацсетках. Раздрукуйце ўлёткі і павесьце іх на дошках абвестак ля свайго пад'езда. Выкладвайце свае новыя фота.
Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.