10 жнiўня 2020, панядзелак, 23:26
Сім сім, Хартыя 97!
Рубрыкі

Навукоўцы назвалі пяць найлепшых напояў для добрага сну

5
Навукоўцы назвалі пяць найлепшых напояў для добрага сну

Адзін з напояў – вішнёвы сок.

Замежныя медыкі пералічылі 5 найлепшых напояў для сну і збаўлення ад стрэсу. Адной з рэкамендацый з'яўляецца ўжыванне цёплага малака, піша сайт orthodox.od.ua.

Як патлумачылі спецыялісты, дрэнная якасць сну здольная справакаваць назапашванне артэрыяльных бляшак. Гэта можа прывесці да сур'ёзных захворванняў сэрца. Акрамя таго, запаленчыя працэсы ў арганізме, звязаныя з недастатковасцю начнога адпачынку, вынікуюць пагаршэнне працы мозгу, дрэнную прадукцыйнасць, павелічэнне вагі.

Медыкі парэкамендавалі піць цёплае малако, бо яно ўтрымлівае ў дастатковай колькасці трыптафан, гармон, які мае прамое дачыненне да мелатаніну, спрыяе паскарэнню засынання. У гэтым жа спісе мігдалавае малако, што тлумачыцца прысутнасцю ў ім магнію – элемента, які ўмацоўвае нервовую сістэму.

У сваю чаргу рамонкавая гарбата з'яўляецца яшчэ адным натуральным варыянтам атрымання добрага сну, беручы да ўвагі тое, што яна не ўтрымлівае кафеіну. Для большага эфекту рэкамендуецца ўжываць яе з дадаткамі Mg. Не горш з пастаўленай задачай спраўляецца какосавая вада, бо дзякуючы прысутнасці ў складзе калію адбываецца паслабленне цягліцаў, што процідзейнічае бессані. Гэты напой таксама багаты на вітамін В, які дапамагае ў зняцці стрэсу.

Даследаванне, апублікаванае ў часопісе Medical Food у 2010 годзе, паказала, што ўжыванне блізу 500 мл вішнёвага соку цягам дня прыводзіць да значнага паляпшэння якасці сну, дадалі медыкі.