Расейцы выйшлі на Красную плошчу супраць «паправак» у Канстытуцыю
13- 5.07.2020, 12:55
- 61,558
Мітынг праходзіць у цэнтры Масквы.
Проста цяпер на Краснай плошчы ў Маскве праходзіць народны сход супраць паправак у Канстытуцыю, паведамляе тэлеграм-канал «Пратэсты ў свеце».
У суботу, 4 ліпеня, у Расеі ў адпаведнасці з указам Пуціна пачалі дзеянне папраўкі ў Канстытуцыю.
Галасаванне за папраўкі да Канстытуцыі РФ праходзіла з 25 чэрвеня да 1 ліпеня, «яўка», паводле афіцыйных звестак, склала блізу 65 адсоткаў.
Папраўкі дазваляюць дзейнаму кіраўніку зноў балатавацца на гэты пост у 2024 годзе – Уладзімір Пуцін зможа заставацца пры ўладзе да 2036 года.
Еўрапейскі звяз раскрытыкаваў галасаванне за папраўкі ў Канстытуцыю РФ. Сярод іншага, у Службе знешніх сувязяў ЕЗ нагадалі, што папраўкі да артыкула 79 прадугледжваюць вяршэнства расейскага асноўнага закона над пастановамі міждзяржаўных органаў на аснове міжнародных дамоваў.