Відэафакт: Менск падняўся супраць «таракана»

Як Флэшмоб салідарнасці праходзіць у розных раёнах сталіцы.

Учора ў Беларусі прайшоў дванаццаты Флэшмоб салідарнасці. Беларусы ў розных гарадах адчынялі вокны кватэраў, выходзілі на гаўбцы, пляскалі, грукалі ў рондалі, уключалі музыку.

Супраць «таракана» падняўся практычна ўвесь Менск. Брылевічы, Серабранка, Малінаўка, Дамброўка: Флэшмоб салідарнасці прайшоў у розных раёнах сталіцы.

Беларускія блогеры і актывісты прапанавалі праводзіць Флэшмоб салідарнасці. Мэта акцыі – падтрымаць медыкаў, якія змагаюцца за нашыя жыцці, і герояў, якія цяпер знаходзяцца за кратамі.

Штодня а 19-й на знак салідарнасці адчыняем вокны кватэраў, выходзім на гаўбцы, пляскаем, грукаем у рондалі або ўключаем музыку. Усяго 2 хвіліны – але кожны дзень і да перамогі!