Заўтра ў Беларусі будзе да +30 градусаў

Прагноз надвор'я на пачатку тыдня.

Сіноптыкі прагназуюць да +30°C у панядзелак, 6 ліпеня, паведамляе interfax.by са спасылкай на Белгідрамет.

Цяплей за ўсё, як чакаецца, будзе ў Гомельскім рэгіёне. Паветра там прагрэецца да +28…+30°C. У іншых рэгіёнах абяцаюць тэмпературу ад +25 да +28°C.

Ноч пройдзе без істотных ападкаў. Удзень кароткачасовы дождж і навальніцы найбольш імаверныя ў Менску, Гародні, Берасці і Віцебску. Дзьмуцьме паўночны вецер 4-9 метраў за секунду.