8 жнiўня 2020, Субота, 9:27
Сім сім, Хартыя 97!
Рубрыкі

Мянчук: Дзе ж «сацыяльная дзяржава»? У 18 рэзідэнцыях?

18
Мянчук: Дзе ж «сацыяльная дзяржава»? У 18 рэзідэнцыях?
Фота: SVABODA.ORG

Многія беларусы ўжо гатовыя ісці да канца.

Telegram-канал "Баста!" публікуе ўрывак з ліста жыхара Менска, у якім ён расказвае пра жыццё простых беларусаў.

«У 80-я мы атрымалі двухпакаёвую кватэру ў Серабранцы, тады вельмі радаваліся гэтаму, – піша ён. – Да гэтага жылі ў аднапакаёвай кватэрцы дзвюма сем'ямі, трыма пакаленнямі, то-бок старыя, мы, іх дзеці з жонкамі і нашы дзеці.

Мы з жонкай пераехалі, у нас усяго тры сыны. Дзеці выраслі, цяпер у іх свае дзеці, а мы ўжо амаль старыя, але мы зноў жывём усе разам.

Усе працуюць, але інтэрнат атрымаць нерэальна, здымаць жыллё дорага, а набыць ці пабудаваць – гэта з сферы фантастыкі.

І вось мне цікава, дзе ўвесь той дабрабыт, пра які Лукашэнка нам расказвае ўвесь час?

Мая стрыечная сястра жыве ў Канадзе, ужо больш за 10 гадоў на пенсіі, у яе таксама дзеці і ўнукі. Там няма казак у тэлевізары, але затое ёсць жыллё ў кожнага, прычым жыллё добрае, а яна, як пенсіянерка, яшчэ і атрымлівае кучу льготаў, і для яе гэтае жыллё амаль бясплатнае ў плане камуналкі.

Дык дзе ж "сацыяльная дзяржава"? У 18 рэзідэнцыях? У палацах чыноўнікаў?

Мы ўсёй сям'ёй гатовыя ісці да канца, таму што тое, як мы жывем, на жыццё не падобнае зусім».

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.