Японскі мастак стварае неймаверныя карціны ў Microsoft Excel
2- 6.07.2020, 15:18
- 27,070
Ягоныя працы нават забралі ў адзін з культурных музеяў.
80-гадовы японец Тацуё Харыучы цяпер вядомы далёка за межамі роднай краіны як добры мастак. Але ён не выкарыстоўвае ні алоўкі, ні фарбы, ні нават фоташоп - ягоны канёк - Microsoft Excel, піша «Новое время».
Пасля выхаду на пенсію Харыучы захацеў зрабіць сабе новы выклік. Ён пачаў маляваць, але не хацеў выкарыстаць традыцыйныя метады - замест гэтага ён абраў свой кампутар.
«Я не думаў, што навучуся маляваць хутка, таму стварыў сабе план на 10 гадоў. Першыя тры гады я спрабаваў замалёўваць усё, што бачыў вакол сябе - часта гэта была гародніна. Наступныя тры гады я спрабаваў злучаць розныя матывы і рабіць карціны», - прыводзіць ягоныя словы Bored Panda.
Праз 6 гадоў Харыучы падаў заяўку на ўдзел у Excel Authoshape Art Contest, які і прынёс яму вядомасць. Пасля гэтага людзі зацікавіліся працамі мастака і паступова ён стаў кімсьці накшталт легенды - ягоныя працы нават забралі ў адзін з японскіх культурных музеяў.
Сам Харыучы тлумачыць, што аддае перавагу Excel, а не Paint, бо ён дае яму больш магчымасцяў і лягчэйшы ў засваенні.