29 сакавiка 2024, Пятніца, 14:16
Падтрымайце
сайт
Сім сім,
Хартыя 97!
Рубрыкі

Жыхар Століна: У нас людзі хварэюць цэлымі сем'ямі

2
Жыхар Століна: У нас людзі хварэюць цэлымі сем'ямі

Нягледзячы на сімптомы каранавіруса, пацыентам ставяць дыягназ «пнеўманія».

Жыхар горада Століна Берасцейскай вобласці, дзе апошнім часам павялічылася колькасць заражэнняў каранавірусам, расказаў сайту Charter97.org аб эпідэміялагічнай сітуацыі ў раёне.

«На Століншчыне - бяда з каранавірусам, - кажа ён. - Хварэюць больш за 20 чалавек у Вялікіх і Малых Арлах, у Рэмелі захварэлі спачатку некалькі чалавек з царкоўнага хору, а потым інфекцыя распаўсюдзілася і сярод вернікаў. Хварэюць цэлымі сем'ямі, усе сімптомы «кавіда», але дыягназ ўсё адно ставяць «пнеўманія».

У Давыд-Гарадку таксама шмат хто захварэў, - прадаўцы з крамы, лекары з паліклінікі.

У Століне кашляе кожны трэці, двое суседзяў з дому - на самаізаляцыі. У ЦРБ шпіталізуюць адзінкі, толькі тых, хто ў цяжкім стане, астатніх усіх пакідаюць лячыцца дома і разносіць заразу па суседзях».

Напісаць каментар 2

Таксама сачыце за акаўнтамі Charter97.org у сацыяльных сетках