Міжнародныя рэзервы Украіны выраслі да васьмігадовага максімуму

Дынаміку росту вызначалі некалькі фактараў.

Міжнародныя рэзервы Украіны, паводле папярэдніх звестак, на 1 ліпеня гэтага года склалі 28,516 мільярда даляраў, што на 12,4% вышэй за паказчык мінулага месяца, паведамляе unian.net.

Як паведамляецца на сайце Нацыянальнага банка Украіны, апошні раз міжнародныя рэзервы знаходзіліся на такім узроўні ўвосень 2012 года. «Істотны рост рэзерваў цягам мінулага месяца абумоўлены як паступленнем першай раты паводле новай праграмы з Міжнародным валютным фондам і звязанага фінансавання, так і нарошчваннем куплі валюты Нацыянальным банкам на міжбанкаўскім валютным рынку», - сказана ў паведамленні.

Адзначаецца, што агулам дынаміку рэзерваў цягам месяца вызначалі такія фактары, як паступленні міжнароднага фінансавання і аперацыі ўрада ў кіраванні дзяржаўнай пазыкай.

Напрыклад, Украіна атрымала першую рату ад Міжнароднага валютнага фонду паводле новай праграмы stand-By і звязанае афіцыйнае фінансаванне ад Еўразвязу, а таксама размясціла аблігацыі ўнутранай дзяржаўнай пазыкі, намінаваныя ў валюце.

У той жа час, на абслугоўванне і выплату дзяржаўнай запазычанасці ў замежнай валюце было накіравана 1,19 мільярда даляраў, з гэтай сумы 1,07 мільярда даляраў было выплачана па аблігацыях унутранай дзяржаўнай пазыкі, намінаванай у валюце, а таксама 75,7 мільёна даляраў - па аблігацыях вонкавай дзяржаўнай пазыкі, астатнія сродкі - па іншых абавязацельствах перад замежнымі крэдыторамі.

Таксама на дынаміку рэзерваў уплывалі аперацыі Нацбанку на міжбанкаўскім валютным рынку. «Прапанова валюты з боку бізнэсу прадаўжала перавышаць попыт, таму, карыстаючыся спрыяльнай сітуацыяй, Нацыянальны банк выкупляў залішняя аб'ём валюты і папаўняў міжнародныя рэзервы. Усяго ў чэрвені Нацыянальны банк выкупіў 1,155 мільярда даляраў ЗША. Інтэрвенцыі ў продажы валюты не праводзіліся», - гаворыцца ў паведамленні .

Акрамя таго, паводле звестак НБУ, на дынаміку рэзерваў паўплывала пераацэнка фінансавых інструментаў з прычыны змены рынкавага кошту і курсаў валют. У мінулым месяцы іх кошт павялічыўся на 154 мільёнаў даляраў. У НБУ падкрэслілі, што існы аб'ём міжнародных рэзерваў кампенсуе 4,8 месяца будучага імпарту, што з'яўляецца дастатковым для выканання абавязацельстваў Украіны ды існых аперацый урада і Нацыянальнага банка.