SpaceX запусціць сёння апошнюю партыю спадарожнікаў Starlink

На арбіту адправяцца 57 інтэрнэт-спадарожнікаў Starlink і два іншыя спадарожнікі.

Праз усяго тыдзень пасля запуску спадарожніка GPS для Space Force, кампанія SpaceX гатовая да запуску ўласных інтэрнэт-спадарожнікаў Starlink. Старт запланаваны на 11:59 паводле ўсходняга часу - 19:59 паводле Менску, паведамляе «Популярная механика».

Сёння, 8 ліпеня 2020 года, ракета Falcon 9, якая ўжо чатыры разы пабывала ў космасе, павінны ўзляцець з мыса Канаверал, несучы на борце 57 спадарожнікаў Starlink, а таксама два спадарожнікі назірання за Зямлёй аператара BlackSky.

Гэта апошні запуск інтэрнэт-спадарожнікаў, пасля якога будзе магчымае шырокапалоснае падлучэнне да Інтэрнэту з космасу.

Як правіла, SpaceX запускае спадарожнікі Starlink партыямі па 60 штук. Але гэтым разам на борце карабля знаходзяцца два іншыя спадарожнікі. Гэта другі раз, калі кампанія бярэ на борт спадарожнікі іншых кампаній. Падчас папярэдняга запуску ў чэрвені SpaceX запусціў 58 спадарожнікаў Starlink, а таксама тры спадарожнікі для правядзення здымак кампаніі Planet.

Спадарожнікі Starlink, якія будуць запушчаны сёння, маюць новую функцыю. Яны абсталяваныя разгортвальным сонцаахоўным брылём, прызначаным для прадухілення адлюстравання сонечнага святла ад спадарожнікаў і іх антэн. Так кампанія мае намер знізіць іх яркасць, на якую скардзіліся астраномы.

Калі ўсё пройдзе ўдала, два спадарожнікі BlackSky будуць разгорнутыя першымі, прыкладна праз гадзіну пасля старту. Затым, праз 30 хвілін, пачнецца разгортванне спадарожнікаў Starlink.

Адзначаецца, што надвор'е сёння зменлівае, а верагоднасць яго пагаршэння складае 40%. Калі гэтага не адбудзецца, то жывы эфір пачнецца прыкладна за 15 хвілін да старту, а 19:44 паводле менскага часу.