«Палова вёскі ходзіць на працу з тэмпературай»
5- 9.07.2020, 11:20
- 20,058
Каранавірус распаўсюджваецца па Капыльскім раёне.
Пра гэта Charter97.org паведаміла жыхарка адной з вёсак.
«Цяпер лета і наша школа зрабіла летнік, у які прыводзяць дзяцей у тым ліку і з суседніх вёсак, - піша яна. - Дзяцей шмат, бо большасць бацькоў спрабуе зарабіць хоць колькі, у асноўным усе занятыя ў сельскай гаспадарцы.
Гэта было б нармальным, калі б не той жахлівы факт, што ў нас палова вёскі ходзіць на працу з тэмпературай.
Брат працуе ў Капылі ў цэнтральнай раённай лякарні, кажа, што вольных ложкаў проста няма, усё відавочна з «кавідам» і пры гэтым ніводнага «кавіду» няма, таму што тэстаў няма.
А нашы дзеці ходзяць у летнік, камунікуюць, едуць дадому, потым да бабуль у госці, да цётак з дзядзькамі і гэтак далей.
Усё вельмі дрэнна. Наша школа ў аграгарадку, і ў нас учора адзін трактарыст проста страціў прытомнасць на працы, бо хварэе. Усе пра ягоны стан ведаюць, але вымову зрабілі за тое, што ён нібыта быў нецвярозы».