29 сакавiка 2024, Пятніца, 14:19
Падтрымайце
сайт
Сім сім,
Хартыя 97!
Рубрыкі

Астатні сведка злачынстваў у Хатыні Віктар Жалабковіч памёр ад каранавіруса

13
Астатні сведка злачынстваў у Хатыні Віктар Жалабковіч памёр ад каранавіруса
ФОТА: SB.BY

У яго не было цяжкіх захворванняў, акрамя COVID-19.

86-гадовы Віктар Жалабковіч пайшоў з жыцця 24 траўня.

Перад смерцю ён быў у шпіталі, таму хадзілі чуткі, што смерць магла быць выклікана каранавірусам альбо пнеўманіяй, але пацверджанняў тады не было.

У інтэрв'ю tut.by анэстэзіёлаг-рэаніматолаг Ігар Таболіч, які працуе ў 1-й клінічнай лякарні Менска, расказаў, што Віктар Жалабковіч быў ягоным пацыентам.

«У мяне быў пацыент, астатні выжылы ў Хатыні. Вельмі адэкватны паджылы мужчына і даволі моцны, ляжаў у нас, у яго быў дадатны тэст на COVID-19. Потым ён стабілізаваўся, і мы яго перавялі з рэанімацыі, але цягам тыдня стан зноў пагоршыўся, пасля чаго зноў даставілі да нас, але дапамагчы ўжо не змаглі.

У яго не было цяжкіх захворванняў, ад якіх ён мог памерці найбліжэйшым часам, калі б не каранавірус», - распавёў Таболіч.

Лекар таксама дадаў, што «ў нас нейкі час у афіцыйнай статыстыцы смяротнасці аб COVID-19 было да пяці памерлых пацыентаў на дзень па краіне. Але былі дні, калі толькі ў адной нашай лякарні паміралі тры-чатыры чалавекі, у якіх мог быць дадатны вынік тэсту на COVID-19. Часам пасля смерці ў рэанімацыі пацыенту могуць выносіцца два асноўныя дыягназы, бо мы не можам адназначна сказаць, якое захворванне стала прычынай смерці. Мы пішам два дыягназы, і бываюць сітуацыі, калі COVID-19 ідзе другім дыягназам ці ўвогуле спадарожным, а ў статыстыку трапляе першы. Пацыенты з COVID-19 ідуць на ўскрыццё, але не ўсе сваякі хочуць, каб роднага ім чалавека ўскрывалі, яны кажуць, што ім усё адно, які дыягназ мы напішам».

Напісаць каментар 13

Таксама сачыце за акаўнтамі Charter97.org у сацыяльных сетках