Мексіка выйшла на трэцяе месца ў свеце па колькасці ахвяр COVID-19
1- 1.08.2020, 13:53
- 16,477
Геаграфія пандэміі мяняецца.
Мексіка выйшла на трэцяе месца ў свеце па колькасці памерлых ад каранавіруса пацыентаў. Пра гэта сведчаць звесткі амерыканскага Універсітэта Джонса Хопкінса, піша «Гордон».
Так, на раніцу 1 жніўня ў Мексіцы памерла 46 668 чалавек, тады як у Вялікабрытаніі, якая доўгі час займала трэцяе месца, памерла 46 204 чалавекі.
Больш звязаных з каранавірусам смерцяў зафіксавана толькі ў ЗША (153 314) і Бразіліі (92 475).
Успышка каранавіруснай інфекцыі пачалася ў канцы 2019 года ў Кітаі. 11 сакавіка 2020 года Сусветная арганізацыя аховы здароўя абвясціла распаўсюджванне каранавіруса пандэміяй. Да 1 жніўня ў свеце было пацверджана амаль 17,6 млн выпадкаў заражэння COVID-19, 10,33 з іх ачунялі, больш 679 тысяч памерла.
Першы выпадак каранавіруса ў Мексіцы быў пацверджаны ў канцы лютага 2020 года, аднак імклівы рост новых выпадкаў інфекцыі пачаўся ў канцы вясны. Да сярэдзіны чэрвеня ў краіне штодня фіксавалася да 1 тысячы смяротных выпадкаў.