Дональд Туск: Беларусы, усе народы Еўропы і свету на вашым боку
8- 10.08.2020, 17:45
- 29,589
Еўрапейскі палітык заклікаў Лукашэнку апублікаваць рэальныя вынікі выбараў.
Былы старшыня Еўрапейскай Рады (2014-2019) і цяперашні кіраўнік Еўрапейскай народнай партыі Дональд Туск заклікаў Аляксандра Лукашэнку апублікаваць праўдзівыя вынікі галасавання на выбарах прэзідэнта. Пра гэта еўрапейскі палітык напісаў у Twitter.
«Я заклікаю Лукашэнку апублікаваць праўдзівыя вынікі ўчорашняга галасавання, пакласці канец гвалту, адвесці сілы спецыяльнага прызначэння і неадкладна вызваліць арыштаваных удзельнікаў мірных акцый пратэсту», - заявіў ён.
«Беларусы, учора вы зрабілі выбар: дэмакратыя, свабода і канец дыктатуры. Мы захапляемся вашай адвагай і рашучасцю. Усе народы Еўропы і свету на вашым боку», - падкрэсліў кіраўнік Еўрапейскай народнай партыі.
I call on President Lukashenka to publish the actual results of yesterday’s vote, to stop the violence, to withdraw special forces and to immediately release the arrested peaceful protesters.
— Donald Tusk (@donaldtuskEPP) August 10, 2020
