У Менску кіроўцы тралейбусаў адмаўляюцца выходзіць на працу ў другую змену
9- 11.08.2020, 13:51
- 53,336
Застрайкаваў 4-ы тралейбусны парк.
У Менску застрайкаваў 4-ы тралейбусны парк, паведамляе тэлеграм-канал «Баста!».
Кіроўцы адмаўляюцца выходзіць на працу ў другую змену пасля інфармацыі аб раненні кіроўцы аўтобуса ўвечары 10 жніўня.
Пасля закліку да Усебеларускага страйку далучаецца ўсё больш прадпрыемстваў і рабочых ва ўсёй краіне.
Нагадаем, што да Усебеларускага страйку далучыліся некалькі цэхаў Беларускага металургічнага завода (БМЗ) у Жлобіне, дзяржаўны Інстытут парашковай металургіі ў Менску, Менскі электратэхнічны завод імя Казлова, Жабінкаўскі цукровы завод.
Адначасова праз адключэнне інтэрнэту ў Беларусі не працуюць дзясяткі тысяч дробных і сярэдніх прадпрыемстваў рознай формы ўласнасці і дзяржаўных устаноў. Праз страх перад народнымі пратэстамі Лукашэнка вымкнуў інтэрнэт і справакаваў маштабны страйк, які ахапіў транспарт, гандаль, банкі, ІТ-сфэру.