Відэафакт: Калона працоўных страйкоўцаў ідзе па Менску
12- 11.08.2020, 16:16
- 88,276
Супрацоўнікі «Белэнэргатэхпраекта» падтрымалі ўсебеларускі страйк.
Як паведамляе Telegram-канал «Нашай Нiвы», работнікі «Белэнэргатэхпраекта» страйкам хадзілі падтрымліваць калегаў з «Электрамеханічнага завода», якія далучыліся да Усебеларускага страйку.
Нагадаем, што да Усебеларускага страйку далучыліся некалькі цэхаў Беларускага металургічнага завода (БМЗ) у Жлобіне, дзяржаўны Інстытут парашковай металургіі ў Менску, Менскі электратэхнічны завод імя Казлова, Жабінкаўскі цукровы завод.
Адначасова праз адключэнне інтэрнэту ў Беларусі не працуюць дзясяткі тысяч дробных і сярэдніх прадпрыемстваў рознай формы ўласнасці і дзяржаўных устаноў. Праз страх перад народнымі пратэстамі Лукашэнка вымкнуў інтэрнэт і справакаваў маштабны страйк, які ахапіў транспарт, гандаль, банкі, ІТ-сфэру.