У Радзе Украіны зарэгістравалі праект пастановы аб непрызнанні легітымнасці выбараў у Беларусі
20- 11.08.2020, 19:21
- 37,985
Нардэп Аляксей Ганчарэнка апублікаваў фота карткі праекта пастановы.
Нардэп ад «Еўрапейскай салідарнасці» Аляксей Ганчарэнка заявіў у Telegram 11 жніўня, што зарэгістраваў у Вярхоўнай Радзе праект пастановы аб заяве Вярхоўнай Рады аб непрызнанні прэзідэнцкіх выбараў у Беларусі.
«Зарэгістраваў у Радзе пастанову аб непрызнанні прэзідэнцкіх выбараў у Рэспубліцы Беларусь. Сябры, мы з вамі! Трымаем строй! Свабода блізка!» - напісаў палітык.
Ён апублікаваў фота карткі праекта пастановы.
«Аб заяве Вярхоўнай Рады Украіны аб непрызнанні легітымнасці выбараў прэзідэнта Беларусі і недапушчальнасці гвалту супраць мірных дэманстрантаў», - гаворыцца ў кароткім апісанні праекта.