Да Усебеларускага страйку далучаюцца ўсё новыя прадпрыемствы
79- 12.08.2020, 16:21
- 166,807
Акцыя ўбіраецца ў сілу ва ўсёй краіне.
У Беларусі другі дзень праходзіць Усебеларускі страйк. Нагадаем, шэраг Telegram-каналаў заклікаў не выходзіць на працу. Працаўнікі беларускіх прадпрыемстваў адгукнуліся на заклік і сёння да страйку далучыліся новыя прадпрыемствы. Апошняя інфармацыя аб ходзе страйку:
- Бастуюць працаўнікі «Гандлёвага Дому БМЗ» у Расеі.
- Лекары-анколагі заявілі аб гатоўнасці далучыцца да Усебеларускага страйку.
- Работнікі «Мінскметрапраекта» выйшлі на пратэст.
- На «Гродна Азоце» некалькі цэхаў спынілі працу.
- Паўднёвы рынак у Гародні сёння не працуе.
Учора пачалі страйкаваць працаўнікі «Белэнэргатэхпраекта», «Электрамеханічны завод», МТЗ, 4-ы тралейбусны парк, Менскі маргарынавы завод, Інстытут хіміі новых матэрыялаў НАН Беларусі, Жабінкаўскі цукровы завод ды іншыя.
Нагадаем, беларускія Telegram-каналы выступілі са зваротам:
- Тры дні пратэстаў у Беларусі паказалі, што на працу ісці проста небяспечна.
Па дарозе на працу/дадому вас могуць збіць дубінкамі, расстраляць гумовымі кулямі і затрымаць.
Ехаць на працу гэтак жа небяспечна! Мярзотнікі могуць пашкодзіць ваш транспартны сродак, пратараніць, выцягнуць вас з аўто, збіць і затрымаць.
Гэтак жа фашысты могуць узяць у закладнікі і выкрасці вашых дзяцей, пагражаючы падарваць асколачнымі гранатамі сябе і іх, калі хтосьці адважыцца дапамагчы.
Хочаце гэта змяніць? Далучайцеся да Усебеларускага страйку!
Салідарнасць - наша сіла!
Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».