«Гроднажылбуд» сыходзіць на страйк
10- 13.08.2020, 10:27
- 40,456
Фотафакт.
Telegram-канал «ЧП Беларусь» паведамляе пра пачатак страйку на прадпрыемстве «Гроднажылбуд».
Пасля закліку да Усебеларускага страйку падключаецца ўсё больш прадпрыемстваў і рабочых ва ўсёй краіне.
Нагадаем, што да Усебеларускага страйку далучыліся некалькі цэхаў Беларускага металургічнага завода (БМЗ) у Жлобіне, дзяржаўны Інстытут парашковай металургіі ў Менску, Мінскі электратэхнічны завод імя Казлова, Жабінкаўскі цукровы завод, Мінскі маргарынавы завод, працаўнікі «Гандлёвы Дом БМЗ» у Расеі, працаўнікі «Мінскметрапраекта», Паўднёвы рынак у Гародні, некалькі цэхаў «Гродна Азота», працаўнікі «Белэнэргатэхпраекта», МТЗ, 4-ы тралейбусны парка ды іншыя прадпрыемствы і ўстановы.
Адначасова праз адключэнне інтэрнэту ў Беларусі не працуюць дзясяткі тысяч дробных і сярэдніх прадпрыемстваў рознай формы ўласнасці і дзяржаўных устаноў. З-за страху перад народнымі пратэстамі Лукашэнка адключыў інтэрнэт і сам справакаваў маштабны страйк, які ахапіў транспарт, гандаль, банкі, ІТ-сферу.