23 верасня 2020, Серада, 18:24
Сім сім, Хартыя 97!
Рубрыкі

Праз цэнтр Менска на «Пушкінскую» прайшлі дзяўчаты ў чырвона-чорным і з люстэркамі ў руках

3
Праз цэнтр Менска на «Пушкінскую» прайшлі дзяўчаты ў чырвона-чорным і з люстэркамі ў руках
ФОТА: ДЗМІТРЫЙ БРУШКО/TUT.BY

Чорна-чырвоны дрэс-код - знак смутку за кроў мірных грамадзян.

Дзяўчаты ў чырвона-чорным адзенні прайшліся сёння па цэнтры горада - ад Зыбіцкай на «Пушкінскую». У руках ва ўсіх былі люстэркі. У першую чаргу гэтая акцыя - зварот да сілавікоў, патлумачылі ўдзельніцы, піша tut.by.

- Гэта мірны пратэст неабыякавых жанчын. Наш слоган: «Як табе тваё адлюстраванне?». У руках люстэрка са знакам пытання. Пасыл накіраваны да ўсіх беларусаў. Кожны павінен адказаць сабе шчыра, ці можа ён без згрызоты сумлення паглядзець на сваё адлюстраванне, - патлумачыла адна з удзельніц, 30-гадовая Яўгенія Літрэева.

У першую чаргу гэта зварот да карных органаў, дадала суразмоўніца. Чорна-чырвоны дрэс-код - знак смутку за кроў мірных грамадзян.

Дзяўчаты сабраліся на Зыбіцкай, прайшлі праз плошчу Свабоды, вуліцы Рэвалюцыйнай, Раманаўская Слабада і Кальварыйская да «Пушкінскай».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».