Віктар Ганчарэнка: АМАП і войска павінны абараняць народ, а не збіваць яго

Беларускі трэнер маскоўскага ЦСКА пракаментаваў бязмежжа сілавікоў.

Беларускі трэнер маскоўскага ЦСКА Віктар Ганчарэнка выказаў стаўленне да падзей у Беларусі, паведамляе «Прессбол».

«Мяркую, што адбываецца недапушчальнае. Рэзка супраць таго, каб білі наш мірны, выдатны беларускі народ. Міліцыя, АМАП і войска павінны абараняць народ, а не збіваць яго. Падтрымліваю патрабаванні сумленнага падліку галасоў на выбарах. Паспрабаваў прагаласаваць на ўчастку ў пасольстве Беларусі ў Маскве, але чаканне ў чарзе вельмі расцягнулася. Людзі стаялі па пяць, шэсць, нават сем гадзін! І ў выніку ўсё роўна не траплялі на ўчастак, і я таксама не патрапіў. Такое ўражанне, што чаргу нехта штучна стрымліваў, каб не ўсе прагаласавалі. Вельмі многія так і не змаглі аддаць свой голас», - сказаў Ганчарэнка.

У Менску і іншых гарадах Беларусі сёмы дзень людзі масава выходзяць на вуліцы.

Раней сілавікі ў дачыненні да грамадзян ужывалі сілу, брутальна затрымліваючы іх.