Эксперты ўважаюць памідоры за магутныя суперпрадукты

У памідорах змяшчаецца мноства пажыўных мікраэлементаў.

Памідоры можна знайсці практычна ва ўсіх тыпах ежы. Гэты прадукт з'яўляецца ў падліўках, салатах, супах, соках і нават дэсертах. І гэта вельмі добра, бо памідоры ўважаюцца за адны з самых магутных суперпрадуктаў праз багатае змяшчэнне ў іх пажыўных мікраэлементаў, піша lenta.ua.

Памідоры бываюць розных памераў і колераў. Напраўду існуюць сотні гатункаў таматаў. Некаторыя з найбольш распаўсюджаных уключаюць памідоры чэры, памідоры рому і вялікія памідоры біфштэкс. Дарэчы, дагэтуль няма адзінага меркавання, уважаць памідор за гародніну, садавіну ці ягады. З пункту гледжання тэхналагічнай сістэматыкі тамат, безумоўна, належыць да гародніны. А вось калі разглядаць гэтае пытанне з пункту гледжання батанікі, то гэтыя плады больш правільна будзе называць шматзоркавымі сінкарпнымі ягадамі. У Еўропе ж і Амерыцы, улічваючы там крыху іншы падыход да сістэматыкі, таматы ўважаюцца за садавіну.

Але па-за залежнасцю ад таго, як правільна іх называць, агульнапрызнаным з'яўляецца тое, што памідоры багатыя пажыўнымі рэчывамі і расліннымі злучэннямі, якія прапануюць цэлы шэраг пераваг для здароўя.

Сярод іх можна назваць змяшчэнне вялікай колькасці пажыўных рэчываў. Фактычна, адзін памідор можа змяшчаць да 40 адсоткаў рэкамендаванай дзённай нормы вітаміну С, які стымулюе імунітэт. Акрамя таго, даследаванні паказалі, што ўжыванне таматаў дапамагае арганізму змагацца з ракавымі клеткамі, спрыяе здароўю сэрца, падтрымлівае здароўе вачэй, рэгулюе крывяны ціск, абараняе ад дыябету, сілкуе скуру і змагаецца з прыкметамі старэння.