«Альбо валізкі, альбо Чаўшэску!»

Берасцейцы дзеляцца эмоцыямі пасля 20-тысячнага мітынгу.

Эмацыйныя выказванні жыхароў Берасця пасля 20-тысячнага мітынгу кандыдаткі ў прэзідэнты Святланы Ціханоўскай апублікаваў тэлеграм-канал «Баста»:

- Берасце, сёння ты проста мяне ўваскрэсіла! Тое, што я бачыў сёння на пікеце Святланы, гэта ўжо не проста кармленне галубоў і не шараговая акцыя, гэта знак. Знак таго, што мы ўсе гатовыя да пераменаў, што гэтыя перамены ўжо ў нас, што мы самі ўсё здзейснім.

Такога яшчэ не было, атмасфера была такая, што хацелася лятаць, хацелася абняць кожнага прысутнага! Дзякуй усім, што мы разам, дзякуй Святлане за надзею на будучыню.

- Берасце сёння ўразіла, вядома! І гэта яшчэ толькі пікет, а што будзе 9-га, гэта будзе каласальна! Калі таракан не памрэ ад страху, то альбо валізкі, альбо Чаўшэску!

- Быў сёння на мітынгу ў Берасці. У мяне проста слоў няма. Былі сумневы наконт усяго. Але сёння яны развяліся ў адно імгненне. Я - супрацоўнік міліцыі. Было трохі страшна ісці. Ведаю, што рэпрэсіі могуць рушыць услед і могуць звольніць. Калі шчыра, ужо ўсё адно. Сам тады пайду і звольнюся.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..