23-ці дзень пратэстаў у Хабараўску: да дэманстрантаў далучыліся ветэраны ПДВ

Шэсце суправаджала калона аўтамабіляў, якія сігналілі.

У Хабараўску ў нядзелю праз праліўны дождж упершыню за больш чым тры тыдні не адбылося ранішняе шэсце ў падтрымку арыштаванага губернатара Сяргея Фургала. Затое на вечаровай акцыі з'явіліся нечаканыя ўдзельнікі - былыя дэсантнікі, якія адзначаюць 90-годдзе Паветрана-дэсантных войскаў.

Паводле ацэнак карэспандэнта ВВС Пятра Казлова, які працуе ў Хабараўску, у акцыі ўзялі ўдзел амаль 200-250 чалавек. Шэсце суправаджала калона аўтамабіляў, якія сігналілі.

Акцыя супала з юбілеем Паветрана-дэсантных войскаў, і некалькі вайскоўцаў у форме і са сцягамі далучыліся да шэсця.

Адзін з былых вайскоўцаў распавёў, што не першы раз выходзіць на акцыі. «Мы выбралі чалавека, выбралі яго губернатарам, пакіньце яго тут, а сваіх масквічоў забірайце назад, яны нам не патрэбныя», - дадаў ён.

Акцыі ў Хабараўску прадаўжаюцца ў штодзённым рэжыме з 11 ліпеня. Людзі незадаволеныя тым, што Фургала павезлі судзіць у Маскву, і патрабуюць разабрацца на месцы з абвінавачваннямі на адрас «народнага губернатара» ад ЛДПР, які нечакана перамог на выбарах у крамлёўскага кандыдата ў верасні 2018 года.

Хабараўск зноў выйшаў на вуліцы падтрымаць арыштаванага губернатара Фургала.

20 ліпеня прэзідэнт Расеі Пуцін адправіў Фургала ў адстаўку. Часовым выканаўцам абавязкаў кіраўніка рэгіёну ён прызначыў Міхаіла Дзегцярова, які, як і Фургал, знаходзіцца ў ЛДПР.

Былога губернатара Хабараўскага краю Сяргея Фургала затрымалі 9 ліпеня.