Запрашаем усю Беларусь у сталіцу
14- Яўген Афнагель
- 20.08.2020, 12:11
- 84,415
Усе ў Менск!
«Сёння мы размаўлялі з прадстаўнікамі страйкамаў, з прадстаўнікамі рабочых, якія страйкуюць не толькі ў Менску, але і ў іншых гарадах, - заявіў на мітынгу на плошчы Незалежнасці ў Менску каардынатар грамадзянскай кампаніі «Еўрапейская Беларусь» Яўген Афнагель. - Памятаеце марш волі на выходных? Памятаеце колькі людзей было?
Давайце паўторым на гэтых выходных.
Але не проста паўторым. Нас павінна быць яшчэ больш. Улада бярэцца ў сталіцы. Улада бярэцца ў Менску. Запрашаем усіх у Менск. Запрашаем усю Беларусь у сталіцу ў гэтыя выходныя.
Мы прапануем правесці «Марш на Менск». З усіх гарадоў, дзе ідуць страйкі, дзе ідуць пратэсты. На гэтых выходных давайце збіраемся разам. На аўтамабілях, пешшу, на цягніках, на маршрутках, любымі спосабамі - прыязджайце ў Менск. Нас павінна быць вельмі шмат. Мы павінны паказаць гэтай уладзе яе месца. На гэтых выодных - усе разам!
Людзі, якія сабраліся, падтрымалі прапанову і гучныя пачалі скандаваць «Усе - у Менск!».
Нагадаем, «Баста!» і іншыя незалежныя тэлеграм-каналы звярнуліся да беларусаў і апублікавалі план дзеянняў на 20 жніўня:
– Сябры, улады пакуль не выканалі ні аднаго нашага патрабавання. Таму мы прадаўжаем ціснуць на таракана кожны дзень, не спыняючыся.
– падтрымліваем забаставалых працоўных па ўсіх гарадах, прыходзім да прахадных заводаў, да будынкаў прадпрыемстваў і арганізацый.
– вечарам а 19-й збіраемся ў цэнтры гарадоў (а ў Менску – на плошчы Незалежнасці) і гучна агучваем нашы патрабаванні, галоўнае з якіх – неадкладная адстаўка Сашы-таракана.
– эканамічны байкот: не аплачваем камунальныя плацяжы, забіраем уклады з банкаў.
Кожны дзень – да перамогі!