Прагноз валют: на колькі падаражэюць даляр і еўра да канца тыдня?
1- 3.08.2020, 14:41
- 26,972
Можна адзначыць дзве асноўныя тэндэнцыі.
У канцы ліпеня даляр і еўра падаражэлі. Як павядуць сябе замежныя валюты ў пачатку жніўня? Пра гэта старшы аналітык кампаніі «Альпары Еўразія» Вадзім Ёсуб расказаў у каментары Myfin.by.
- На мінулым тыдні рух замежных валют на замежных рынках быў досыць істотным і прыкметным. Можна адзначыць дзве асноўныя тэндэнцыі. Першая - гэта рост еўрапейскай валюты.
Так, за тыдзень пара еўра/даляр вырасла з 1,16 да 1,1890, ці на 2,6%. Пры гэтым валютная пара вярнулася да значэнняў, на якіх апошні раз была ў траўні 2018 года.
Другая тэндэнцыя - прыкметнае зніжэнне расейскага рубля. Даляр падаражэў з 71,6 расійскага рубля да 73,5, або на 2,7%.
Еўра, з улікам яго росту да даляра, падаражэў яшчэ мацней - з 83 да 87,4 расейскага рубля, або на 5,4%.
У выніку расейскі рубель адкаціўся да ўзроўняў, на якіх быў у канцы сакавіка - пачатку красавіка бягучага года.
Да беларускага рубля даляр і еўра падаражэлі, расейскі рубель патаннеў.
Даляр вырас на 2%, еўра падаражэў на 4,62%, а расейскі рубель знізіўся на 0,73%. Трэба адзначыць пры гэтым, што курс еўра абнавіў максімум з пачатку года.
Валютны кошык вырас на 1,14%. Ён даражэе другі тыдзень запар. І гэта быў максімальны тыднёвы рост кошыка з канца траўня.
На распачатым тыдні, думаю, асноўнымі чыннікамі застануцца падзеі на замежных валютных рынках. Прычым, можа захавацца як рост еўра да даляра, так і працяг зніжэння расейскага рубля.
Што гэта значыць?
У выніку да канца тыдня даляр можа падаражэць да 2,49 беларускага рубля.
Еўра можа вырасці да 3,03 беларускага рубля.
А расейскі рубель паціху знізіцца да 3,29 беларускага рубля за 100 расейскіх.