Рэальная колькасць выпадкаў каранавіруса ў Італіі ў шэсць разоў вышэйшая

Пра гэта сведчаць вынікі даследавання італійскага інстытута статыстыкі.

Амаль паўтара мільёна італійцаў заразіліся каранавірусам. Гэта ў шэсць разоў больш за лічбы, якія фігуравалі ў афіцыйных бюлетэнях статыстыкі захворвання.

Пра гэта сведчаць вынікі даследавання італійскага інстытута статыстыкі Istat і міністэрства аховы здароўя ў фундаментальнай матэрыяльна-тэхнічнай падтрымцы Чырвонага Крыжа, паведамляе «Еўрапейская праўда» са спасылкай на Corriere Della Sera.

У даследаванні ўзялі ўдзел 64 600 жыхароў Італіі і высветлілася, што антыцелы ёсць у крыві 2,5% насельніцтва.

«Лічба 2,5% паказвае нам, што гэта была значная з'ява, якая закранула амаль паўтара мільёна чалавек. Самы цяжкі момант у мінулым, мы выйшлі са шторму, але яшчэ не прыйшлі ў бяспечную гавань. Мы праяўляем асцярожнасць», - заявіў міністр аховы здароўя Італіі Раберта Спэранца.

Вірус ахапіў Італію з моцнай тэрытарыяльнай дыферэнцыяцыяй. У Ламбардыі паказчык антыцелаў склаў 7,5% супраць 0,3% на Сіцыліі.

Жыхары Ламбардыі цяпер складаюць 51% італійскіх грамадзян з антыцеламі. Пры гэтым і ў Ламбардыі распаўсюджванне віруса было неаднародным. У правінцыях Бергама і Крэмона ўзровень антыцелаў складае 24% і 19% адпаведна, у той час як у жыхароў Кома і Лека адносна невялікі ўзровень антыцелаў - 3%.

Італія з'яўляецца адной з найбольш пацярпелых ад каранавіруса краін у Еўропе. Найбольш крытычная сітуацыя ў сакавіку-красавіку склалася ў паўночных рэгіёнах краіны.